Saturday, September 10, 2005

saksak sinagol

Minsan hindi na kailangan ang mga salita upang ihayag ang iyong mga saloobin. Kahit sa galaw lamang ng mata o kaya sa kumpas ng kamay maari nang magpahayag.

Minsan napakaraming bagay ang nais mong sabihin at ibahagi sa iba. At sa kahulihulihan, wala kang nasasabing kahit isa. Bigo ang dakila mong pagtatangka.

Madalas abala ka sa pag-iisip kung paano maabot ang iyong mga pangarap. Madalas din na nauuwi ka sa pagtungayaw dahil sa bahaging ito ng mundo bangungot ang nasa dulo. Hindi ka matunawan at napapabuntung-hininga na lamang.

Madalas mong mapuna ang kawalang-buhay ng paulit-ulit mong pagparoo't parito sa trabaho. Paulit-ulit ang pagsakay-baba, pag-akyat-panaog, pagkain, pag-inom, paggising, pagtulog. Paulit-ulit na tila tema ng mga telenobela, pantasya nobela, tsinobela, Koreanobela o ano pang mga serye ng palabas sa telebisyon na pare-pareho ang kwento o di kaya nama'y mga sinalaulang ideya mula sa kung saan-saang lupalop nang mundo at paulit-ulit na ipinagduduldulan sa iyo.

Minsan naiisip mong mas mabuting maupo sa ilalim ng puno kaysa maglagari sa mausok at maalikabok na lansangang madalas mong isinasaksak sa iyong baga. Madalas mong naiisip ang probinsya. Ngunit mauuwi ka sa pagtitiis dahil tinatamad ka namang magbungkal ng lupa at magtanim ng kamote.

Ilan lamang ang mga ito sa mga bagay na umiinog at nagsasalpukan sa iyong isip. Na kapag nagsabaysabay, mas pipiliin mong maupo sa isang tabi. At hahayaan mong lamunin ng katahimikan ang lahat.

At sa gitna ng katahimikan, magtataka ka. Magtataka sa patak ng tubig na iyong naririnig. Paulit-ulit. Walang katapusan.

4 Comments:

At 5:27 AM, Anonymous Anonymous said...

Madalas mong naiisip ang probinsya. Ngunit mauuwi ka sa pagtitiis dahil tinatamad ka namang magbungkal ng lupa at magtanim ng kamote.

So true...:) It takes a lot to swallow everything just to enjoy what is there. Yet I'm sure it's worth all the sacrifice. :)

 
At 4:38 PM, Anonymous Anonymous said...

mahusay!

 
At 2:11 AM, Anonymous Anonymous said...

This is very interesting site... http://www.ilovetodance0.info/Dancing-greetings.html Kasey kahne baseball jersey Hiking east coast trail newfoundland Zithromax dental infection heating swimming pools Winrar spyware dance - album mp3 adult dancing makin me wana dance dance music artists Automatic gate security Kids cable eyeglasses Affordablre mattresses

 
At 11:38 AM, Anonymous Anonymous said...

Very nice site! didrex online cod faucet scanners barcode Ontario junior a hockey Farmer insurance md How to choose eyeglass frames Buying guide dishwasher Black collector jack knife 404 1 ionamin Canon city colorado moving companies Car wash milwaukee Zoloft shelflife Find a hostel Spam ad and spyware blockers

 

Post a Comment

<< Home